Lewis Hamilton fitoi Çmimin e Madh të Kinës, që ishte special, pasi ishte gara numër 1000 në historinë e Formulës 1. Britaniku i Mercedesit la pas shokun e tij të skuadrës, Valtteri Bottas dhe ferraristin Sebastian Vettel.

Kjo është fitorja e tretë radhazi e Mercedesit në 3 garat e para të sezonit, duke treguar se edhe ky sezon nuk do të ketë histori.

Në renditjen e pilotëve kryeson Lewis Hamilton me 68 pikë, i ndjekur nga Bottas me 62 pikë. Ndërkohë, Mercedes kryeson renditjen e konstruktorëve me 130 pikë, ndërsa Ferrari ka 78.