Protesta e 67-të kundër qeverisë ka vijuar me një marshim të gjatë në rrugët e Tiranës, ku qytetarët kanë lëvizur nga zona e Liqenit Artificial drejt pjesëve të tjera të kryeqytetit.
Pas ndalesës dhe marshimit në zonën e Liqenit Artificial, protestuesit janë drejtuar drejt zonës së Petro Ninit dhe më pas drejt Sheshit Wilson, duke vijuar thirrjet e tyre kundër qeverisë dhe kryeministrit Edi Rama.
Gjatë lëvizjes, qytetarët u kanë bërë thirrje banorëve të Tiranës që t’u bashkohen në protestë.
“Çohuni nga gjumi! Bashkohuni me ne!”, kanë qenë thirrjet e protestuesve gjatë marshimit.
Qytetarët kanë përsëritur sloganet e tyre duke kërkuar dorëheqjen e kryeministrit Edi Rama, ndërsa kanë deklaruar se protesta do të vijojë çdo ditë deri në plotësimin e kërkesave të tyre.
DardaniaPost është një media online e pavarur, e përkushtuar ndaj së vërtetës, profesionalizmit dhe interesit publik. Misioni ynë është të informojmë me saktësi, shpejtësi dhe paanshmëri, duke respektuar standardet më të larta të gazetarisë. Besojmë se fjala e lirë dhe informacioni i besueshëm janë themeli i një shoqërie demokratike. DardaniaPost u jep hapësirë të gjitha mendimeve, promovon dialogun, transparencën dhe llogaridhënien, duke mbrojtur dinjitetin njerëzor dhe vlerat kombëtare e universale. Me integritet, përgjegjësi dhe pavarësi editoriale, synojmë të jemi zëri i qytetarëve dhe një burim i besueshëm informacioni për shqiptarët kudo që jetojnë.
2026 DardaniaPost.com. Të gjitha të drejtat e rezervuara.
Zhvilluar me ❤️ nga dsolution.
