Afati përfundimtar ka kaluar, ndaj Italia tani ka një listë me 13 qytete dhe 16 stadiume në garë për të organizuar ndeshjet e EURO 2032, të cilin do ta bashkëorganizojë me Turqinë.
31 korriku ishte data e fundit kur qytetet kandidate duhej të dorëzonin dokumentacionin e nevojshëm për t’u kualifikuar si vende pritëse të turneut.
Tashmë, Federata Italiane e Futbollit (FIGC) ka bërë të ditur se lista përfshin këto 13 qytete: Bari, Bologna, Cagliari, Firenze, Genoa, Lecce, Milano, Napoli, Palermo, Roma, Salerno, Torino dhe Verona.
Hapi i radhës është vlerësimi i dosjeve të secilit kandidat, përpara se lista përfundimtare e qyteteve pritëse t’i dërgohet UEFA-s deri më 1 tetor.
Stadiumet duhet të përmbushin standardet e rrepta të UEFA-s për të fituar të drejtën e organizimit të ndeshjeve të EURO 2032, ndërsa ekzistojnë shqetësime se vetëm pak impiante në Itali i plotësojnë aktualisht këto kritere.
Disi çuditërisht, Bergamo dhe Udine nuk janë pjesë e listës, pavarësisht se Atalanta dhe Udinese kanë stadiume të reja.
Italia do ta organizojë EURO 2032 së bashku me Turqinë, me secilin shtet që do të ketë nga pesë qytete pritëse./GazetaExpress/
DardaniaPost është një media online e pavarur, e përkushtuar ndaj së vërtetës, profesionalizmit dhe interesit publik. Misioni ynë është të informojmë me saktësi, shpejtësi dhe paanshmëri, duke respektuar standardet më të larta të gazetarisë. Besojmë se fjala e lirë dhe informacioni i besueshëm janë themeli i një shoqërie demokratike. DardaniaPost u jep hapësirë të gjitha mendimeve, promovon dialogun, transparencën dhe llogaridhënien, duke mbrojtur dinjitetin njerëzor dhe vlerat kombëtare e universale. Me integritet, përgjegjësi dhe pavarësi editoriale, synojmë të jemi zëri i qytetarëve dhe një burim i besueshëm informacioni për shqiptarët kudo që jetojnë.
2026 DardaniaPost.com. Të gjitha të drejtat e rezervuara.
Zhvilluar me ❤️ nga dsolution.
